കോഴിക്കോട് ജില്ലയില്‍ റോഡരികില്‍ ജീവനും സുരക്ഷയ്ക്കും ഭീഷണിയായതും
അനധികൃതമായി സ്ഥാപിച്ചതുമായ ഫ്‌ളക്‌സ് ബോര്‍ഡുകള്‍ മൂന്നുദിവസത്തിനുള്ളില്‍
നീക്കം ചെയ്യണമെന്ന് ജില്ലാ കളക്ടര്‍ കെ.വി. മോഹന്‍കുമാര്‍ നിര്‍ദേശിച്ചു.
അല്ലാത്തപക്ഷം കോര്‍പ്പറേഷന്‍, പോലീസ്, റവന്യൂ, പൊതുമരാമത്ത്
റോഡ്‌സ്-എന്‍.എച്ച്, കെ.എസ്.ഇ.ബി. എന്നിവയുടെ നേതൃത്വത്തില്‍ രൂപവത്കരിച്ച
സ്‌ക്വാഡ് നവംബര്‍ 19-ന് ഇവ നീക്കം ചെയ്യുമെന്നും നീക്കുന്നതിനുള്ള ചെലവ്
ഈടാക്കുമെന്നും അദ്ദേഹം അറിയിച്ചു.
റോഡരികിലെ ഫ്‌ളക്‌സ് ബോര്‍ഡുകളുടെ പെരുപ്പം മൂലമുണ്ടാവുന്ന പരിസ്ഥിതിപ്രശ്‌നങ്ങള്‍ ചര്‍ച്ചചെയ്യാന്‍ കളക്ടറുടെ അധ്യക്ഷതയില്‍ ചേര്‍ന്ന വിവിധ രാഷ്ട്രീയപാര്‍ട്ടി പ്രതിനിധികളുടെ യോഗത്തിലാണ് ഈ തീരുമാനം. ട്രാഫിക് അലൈന്‍മെന്റ്, നടപ്പാത, ട്രാഫിക് സൈന്‍ ബോര്‍ഡ്, ഗതാഗതതടസ്സമുണ്ടാക്കുന്ന സ്ഥലങ്ങള്‍, ടെലിഫോണ്‍-ഇലക്ട്രിക് പോസ്റ്റുകളില്‍ സ്ഥാപിച്ച ഫ്‌ളക്‌സ് ബോര്‍ഡുകള്‍ എന്നിവ നീക്കം ചെയ്യണമെന്ന് യോഗത്തില്‍ നിര്‍ദേശമുണ്ടായി.
യോഗത്തില്‍ എ.ഡി.എം. കെ.പി. രമാദേവി, ഡി.സി.പി. കെ.ബി. വേണുഗോപാല്‍, കോര്‍പ്പറേഷന്‍ സെക്രട്ടറി ബി.കെ. ബലരാജി തുടങ്ങിയവര്‍ പങ്കെടുത്തു.
റോഡരികിലെ ഫ്‌ളക്‌സ് ബോര്‍ഡുകളുടെ പെരുപ്പം മൂലമുണ്ടാവുന്ന പരിസ്ഥിതിപ്രശ്‌നങ്ങള്‍ ചര്‍ച്ചചെയ്യാന്‍ കളക്ടറുടെ അധ്യക്ഷതയില്‍ ചേര്‍ന്ന വിവിധ രാഷ്ട്രീയപാര്‍ട്ടി പ്രതിനിധികളുടെ യോഗത്തിലാണ് ഈ തീരുമാനം. ട്രാഫിക് അലൈന്‍മെന്റ്, നടപ്പാത, ട്രാഫിക് സൈന്‍ ബോര്‍ഡ്, ഗതാഗതതടസ്സമുണ്ടാക്കുന്ന സ്ഥലങ്ങള്‍, ടെലിഫോണ്‍-ഇലക്ട്രിക് പോസ്റ്റുകളില്‍ സ്ഥാപിച്ച ഫ്‌ളക്‌സ് ബോര്‍ഡുകള്‍ എന്നിവ നീക്കം ചെയ്യണമെന്ന് യോഗത്തില്‍ നിര്‍ദേശമുണ്ടായി.
യോഗത്തില്‍ എ.ഡി.എം. കെ.പി. രമാദേവി, ഡി.സി.പി. കെ.ബി. വേണുഗോപാല്‍, കോര്‍പ്പറേഷന്‍ സെക്രട്ടറി ബി.കെ. ബലരാജി തുടങ്ങിയവര്‍ പങ്കെടുത്തു.