Wednesday 3 December 2014

ചെറൂപ്പയെ ലഹരിമുക്തമാക്കാന്‍ വിളംബരവുമായി നാട്ടുകൂട്ടം

ചെറൂപ്പ: ലഹരി-പുകയിലമുക്തമാകുന്ന ചെറൂപ്പക്കുവേണ്ടി ഐക്യദാര്‍ഢ്യം പ്രഖ്യാപിച്ച് നാട്ടുകൂട്ടത്തിന്‍െറ നേതൃത്വത്തില്‍ വിളംബരജാഥ നടത്തി.
ചെറൂപ്പ ഹെല്‍ത്ത് യൂനിറ്റ് പരിസരത്ത് നിന്നാരംഭിച്ച ജാഥയില്‍ നാട്ടുകാര്‍ക്കൊപ്പം മാവൂര്‍ ഹയര്‍ സെക്കന്‍ഡറി സ്കൂളിലെ സ്റ്റുഡന്‍റ്സ് പൊലീസും സോഷ്യല്‍ ക്ളബും അണിചേര്‍ന്നു.റാലിക്കുശേഷം നടന്ന യോഗം കുന്ദമംഗലം ബ്ളോക് പ്രസിഡന്‍റ് വി. ബാലകൃഷ്ണന്‍ നായര്‍ ഉദ്ഘാടനം ചെയ്തു.
മാവൂര്‍ ഗ്രാമപഞ്ചായത്ത് പ്രസിഡന്‍റ് ദീപ പുലിയപുറം അധ്യക്ഷത വഹിച്ചു.
ജില്ലാ പഞ്ചായത്തംഗം പി.സി. അബ്ദുല്‍ കരീം, ഗ്രാമപഞ്ചായത്ത് വൈ. പ്രസിഡന്‍റ് ഫാത്തിമ സുഹറ, പഞ്ചായത്തംഗങ്ങളായ വി.കെ. ഷരീഫ, കെ. ഉസ്മാന്‍, ഹെല്‍ത്ത് സൂപ്പര്‍വൈസര്‍ ജോസ് ജോണ്‍, ജസ്റ്റിന്‍ ആന്‍റണി, സുരേഷ്കുമാര്‍ എന്നിവര്‍ സംസാരിച്ചു.
തുടര്‍ന്ന് സോഷ്യല്‍ ക്ളബിന്‍െറ നേതൃത്വത്തില്‍ ലഹരിവിരുദ്ധ സന്ദേശ തെരുവുനാടകം നടന്നു.